Masana’antar mai ta Dangote Petroleum Refinery ta sake rage farashin man fetur (PMS), inda ta sauke gantry price daga ₦828 zuwa ₦699 kowace lita.
Bayanan real-time market data da Petroleumprice.ng ta fitar a yau Juma’a sun nuna cewa wannan sabon ragewa ya kai ₦129 — wanda yake daidai da kashi 15.58% na saukar farashi.
Wani jami’in kamfanin, wanda ya tabbatar da labarin ga PUNCH Online, ya ce an sauya farashin ne “domin daidaitawa da yanayin kasuwa da bukatar jama’a.”
Sabon farashin na iya shafar:
farashin sufuri
kudin kayayyaki
yanayin tattalin arziki a sassa daban-daban
Hakan ya zo ne bayan ragewa da kamfanin ya yi a baya-bayan nan, wanda ke nuna yunkurin samar da mai cikin farashi mai rahusa a cikin gida.
Za mu ci gaba da kawo muku sabbin bayanai kan yadda za a daidaita farashin man a matakai daban-daban.