Jirage biyu mallakar kamfanin Delta sun yi karo a ranar Laraba a filin jirgin saman LaGuardia da ke New York, in ji hukumomin tashar jiragen ruwa da kamfanin jirgin.
Hatsarin, wanda ya shafi jiragen Endeavor Air guda biyu, ya faru ne da misalin ƙarfe 9:58 na dare a ranar Alhamis yayin da ɗaya ke sauka, ɗayan kuma shirin tashi, a cewar sanarwar da Hukumar Tashoshin Jiragen Ruwa ta New York da New Jersey ta fitar.
An garzaya da mutum ɗaya asibiti bayan samun raunuka marasa tsanani, kamar yadda aka bayyana. Kamfanin Delta ta ce ɗaya daga cikin ma’aikatan jirgin (flight attendant) ya samu rauni kaɗan.
Hotunan da kafafen watsa labarai na Amurka suka yada – duk da cewa AFP ba ta iya tabbatar da su nan take ba – sun nuna lalacewa a hancin ɗaya daga cikin jiragen.
Hukumar tashar jirgin ta ce zirga-zirga a filin jirgin LaGuardia, wanda ya kasance ɗaya daga cikin mafi cunkoso a Amurka, ba ta tsaya ba.
Kamfanin na Delta, ya ce za ya yi aiki tare da hukumomin tsaro domin sake duba matakan tsaro bayan abin da ta bayyana a matsayin “karo mai sauƙin gudu yayin motsi a kan titin jirgin.”