Gwamnatin Kano tadaina Amfani da Sunan Ganduje Don Kare Badakalar Naira Biliyan 6.5 – Faizu Alfindiki

Gwamnatin Kano Ta Daina Amfani da Sunan Ganduje Don Kare Badakalar Naira Biliyan 6.5 – Faizu Alfindiki

A ‘yan kwanakin nan, rahotanni sun bayyana cewa Naira biliyan 6.5 an fitar da su aka ce an karkatar da su a karkashin mulkin Gwamna Abba Kabir Yusuf. Amma maimakon gwamnati ta fuskanci wannan al’amari kai tsaye, sai ta zabi kai hari kan ‘yan adawa da tsohuwar gwamnati, musamman tsohon Gwamna Dr. Abdullahi Umar Ganduje. Wannan salon, a fili yake, an yi shi ne don karkatar da hankalin jama’a.

Ina mai jaddada cewa: Mutanen Kano ba sa tambayar abin da ya faru a 2018 ko 2023; suna tambayar abin da ya faru da Naira biliyan 6.5 a 2025!

Duk lokacin da wannan gwamnati aka kamasu a wani zargi, sai su dauki salon “Ganduje, Ganduje”. Amma Mutanen Kano sun riga sun gane wannan salon na karkatar da hankali. Jama’a sun gaji da wannan dabarar; suna bukatar gaskiya, bayani mai cikakken bayani, da adalci.

Saboda haka, ina kira ga gwamnatin jihar Kano da ta:

1. Fitar da cikakkun bayanai kan fitarwar Naira biliyan 6.5.

2. Nuna yadda aka yi amfani da kudin tare da hujjoji masu inganci.

3. Daina amfani da sunan Ganduje a matsayin garkuwa domin kaucewa tambayoyi.

Signed,
Faizu Alfindiki
Senior Legislative Aide to the Speaker, National Assembly

Domin neman Karin bayani ko saka muku talla sai a tura mana Sakon Whatsapp ta wannan lambar 09099222211 ko abknaisa100@yahoo.com