FARFESA MUKHTAR ATIKU KURAWA YA KARBI MAKULLAN MOTAR KWAMITIN KIRKIRO KWALEJIN FASAHA A KARAMAR HUKUMAR GAYA .(GAYA POLYTECHNIC/
Gwamnatin jihar kano ta bawa Shugaban Kwamitin Aiwatar da Kafa Kwalejin Fasaha Gaya, Farfesa Mukhtar Atiku Kurawa, makullan motar da aka tanada domin inganta ayyukan kwamitin wajen gudanar da zirga zirga don Samun sauki nauyi da aka ɗora masa.
Mataimakin Gwamnan Jihar Kano Wanda kuma shine Kwamishinan Ilimi na Manyan Makarantu, Kwamared Aminu Abdussalam Gwarzo,shi ya Jagorancin Bada mukullin motar a ofishinsa dake gidan Gwamnati
Mataimakin gwamnan ya jaddada muhimmancin wannan kwamiti wajen tabbatar da kaddamarwa da ci gaban Kwalejin Fasahar Gaya cikin inganci da gaskiya.
Ya Kuma Kara da cewa irin mahimmancin da Gwamna Abba Kabir ya bawa fannin ilimi shine dalilin Wannan kyakkyawan mataki na nuna jajircewar Gwamnatin Jihar Kano wajen inganta harkar ilimi da samar wa kwamitin dukkan kayan aikin da ake buƙata domin cimma nasarar wannan muhimmin aiki.
Daga bisani ya Yaba da irin kokarin da Farfesa Mukhtar Atiku Kurawa yake bayarwa Musamman a fannin ilimi a fadin jihar kano dama kasa baki daya.
–