Mataimakin Shugaban Kasa Shettima Ya Gargaɗi Wike Kan yin katsalanda a Harkokin APC

Mataimakin Shugaban Kasa Shettima Ya Gargaɗi Wike Kan yin katsalanda a Harkokin APC

Mataimakin Shugaban Kasa ya aika da saƙo mai ƙarfi ga Ministan Babban Birnin Tarayya (FCT) ta hanyar mayar da martani ga tattaunawar da ya yi da manema labarai a jiharsa ta Rivers State da kuma yin bayani game da shugaban jiha bisa ga matsayinsu, cewa a APC, gwamnonin jihohi su ne shugabannin jihohinsu.

Mataimakin Shugaban Kasa Kashim Shettima wanda ya yi magana a cikin saƙonsa ga Ministan Babban Birnin Tarayya, Nyesom Wike, yana mai cewa Gwamna Siminalayi Fubara shi ne shugaban APC a Jihar Rivers.

Mataimakin Shugaban Kasa ya bayyana hakan ne a Jihar Enugu a lokacin wani taron da ya halarta don nuna goyon baya ga APC a jihar. Ya jaddada cewa shi ne Mataimakin Shugaban Kasa na Najeriya kuma na biyu a kan mulki a ƙasar da kuma a cikin Jam’iyyar APC.

Shettima ya bayyana cewa a jiharsa ta Borno, shugaban jam’iyyar shine gwamnan da ke kan mulki, Farfesa Babagana Zulum.

Hakazalika, duk da cewa Godswill Akpabio shine Shugaban Majalisar Dattawa kuma na uku a ƙasar, Gwamna Umo Eno ya ci gaba da zama shugaban APC a Jihar Akwa Ibom.

Ya ƙara ambaton Jihar Kaduna, inda Gwamna Uba Sani shine shugaban jam’iyyar, da kuma Jihar Enugu, inda Gwamna Peter Mbah ke jagorantar tsarin APC.

A cewar Mataimakin Shugaban Ƙasa, wannan ƙa’ida ta shafi dukkan jihohi, ciki har da Jihar Rivers.

An shawarci Wike da ya lura da wannan bayani domin guje wa rikice-rikicen siyasa marasa amfani.

Har zuwa lokacin da aka shigar da wannan rahoto, ministan FCT bai mayar da martani ga furucin/bayanin Mataimakin Shugaban Ƙasa ba tukuna.